Գործիքային ախտորոշում (տեղեկատվական)

Էլեկտրասրտագրությունը, լինելով ամենատարածված և ինֆորմատիվ մեթոդներից մեկը, հնարավորություն է տալիս ախտորոշելու անհապաղ սրտաբանական միջամտության կարիք ունեցող հիվանդությունները, ինչպիսիք են՝ սրտամկանի ինֆարկտը, պարոքսիզմալ տախիկարդիաները, հաղորդչականության խանգարումները և այլն: Էլեկտրասրտագրությունն անվտանգ է և մատչելի, ինչը հնարավորություն է տալիս կատարելու այն նաև տնային պայմաններում:

Ի՞նչը կարելի է չափել էլեկտրասրտագրության միջոցով

Այս հետազոտությունը թույլ է տալիս գնահատել սրտի աշխատանքի հետևյալ ցուցանիշները՝

• սրտի էլեկտրական ակտիվությունը,
• սրտի կծկումների կանոնավորությունը,
• սրտի ռիթմի հաճախականությունը,
• սրտային անցանելիությունը։

Այսպիսով, էլեկտրասրտագրության միջոցով վեր են հանվում այնպիսի հիվանդություններ, ինչպիսիք են՝

• արիթմիան,
• տախիկարդիան,
• բրադիկարդիան,
• սրտամկանի ինֆարկտը,
• սրտի իշեմիկ հիվանդությունները,
• հիպոկալեմիան,
• թոքային էմբոլիան,
• սրտամկանի դիստրոֆիկ փոփոխությունները և այլն։

Սպիրոմետրիան շնչառական օրգանների ֆունկցիայի հետազոտման ժամանակակից, արագ և ինֆորմատիվ մեթոդ է։ Հետազոտությամբ բացահայտված շեղումները թույլ են տալիս ախտորոշելու շնչառական օրգանների ֆունկցիայի տարբեր ախտահարումներ։
Սպիրոմետրիան արտաքին շնչառության և թոքերի առողջության հետազոտության մեթոդ է, որը մասնագետներին ընձեռում է թոքերի առողջությունը գնահատելու հնարավորություն:
Հետազոտությունն անվնաս է. որևէ հակացուցումներ և տարիքային սահմանափակումներ չեն գործում:

Սպիրրոմետրիան ցուցված է

• հևոցի
• սուլող արտաշնչման
• ձգձգվող հազի
• անհայտ էթիոլոգիայի դժվարացած շնչառության
• բրոնխյալ ասթմայի
• թոքերի խրոնիկ օբստրուկտիվ հիվանդությունների ժամանակ։

Իմունոլոգիական հետազոտությունները կատարվում են հանրահայտ «Roche» ընկերության «Cobas e 411» իմունոքիմիական անալիզատորով, որի հետազոտությունների ցանկը ներառում է`

• վահանաձև գեղձի հորմոնների ախտորոշում`( TSH, T3, T4, fT4, fT3, ATG, ATPO, TG)
• մակերիկամի ֆուկցիայի ախտորոշում ( Cort, ACTH)
• վերարտադրողական հորմոնների հետազոտություն (AMH. LH, FSH, TST, SHBG, PRG, 17 OH PRG, PRL և այլն ):
• ինֆեկցիաների հակամարմինների որոշում արյան մեջ ( HBSAg, CMV, TOXOPLASMA, HSV 2 IG G և այլն )
• արյան մեջ օնկոմարկերների որոշում ( CEA, CA 125, CA 15-3, HE4, CA19-9, PSA և այլն)
• վիտամիններ (VIT D, Vit B12, Vit B9 )
• շաքարային դիաբետ ( Insulin, C-peptide)

Անալիզատորը հետազոտությունը կատարում է էլեկտրոքեմոլյումինիսցենցիայի մեթոդով, որը շատ ավելի զգայուն է, քան վերը նշված թեստերի որոշման այլ մեթոդներ:

Կենսաքիմիական հետազոտությունը կատարվում է «Roche» ընկերության «Cobas e 311» բիոքիմիական անալիզատորով, որը ունի 100 փորձանմուշ միաժամանակ հետազոտելու հնարավորություն:

 Անալիզատորը կատարում է հետևյալ հետազոտությունները՝

• սուբստրատներ ( միզանյութ, կրեատինին, ընդհանուր սպիտակուց և այլն)
• ֆերմենտներ (ԱսՏ, ԱլՏ, ալֆա ամիլազա, լիպազա, ԳԳՏ և այլն)
• լիպիդային փոխանակություն ( խոլեսթերին, եռգլիցերիդներ, բարձր և ցածր խտության լիպոպրոտեիդներ)
• էլեկտրոլիտներ ( K, Na)
• կարդիոմարկերներ (սրոպոնին I որակական որոշում, ԿԿ-ՄԲ)
• շաքարային դիաբետ (գլյուկոզա, գլիկոլիզացված հեմոգլոբին, միկրոալբումինը մեզում)
• ռևմատոլոգիական ցուցանիշների քանակական որոշում (C ռեակտիվ սպիտակուց, ռևմատոիդ գործոն, ԱՍԼ-Օ)
• իմունային ստատուս ( ԻԳ Մ, ԻԳ Գ, ԻԳ Ա )
• հոմոցիստեին, անտիթրոմբին 3 և Դ-Դիմեր :

Արյան մակարդելիության մյուս պարամետրերի ուսումնասիրությունները կատարվում են Ֆրանսիական «Stago. ընկերության «Start 4» անալիզատորով:

 Սարքի միջոցով որոշվող պարամետրերն են՝

• պրոթրոմբին` պրոթրոմբինային ժամանակ, պրոթրոմբինային ինդեքս, միջազգային նորմալիզացված հարաբերություն
• ակտիվացված մասնակի թրոմբոպլաստինային ժամանակ
• ֆիբրինոգեն
• Գործոններ II-XII:

ՊՇՌ լաբորատորիան հագեցած է գերմանական «Qiagen» ընկերության «Rotor-gene 6000» (RT PCR) անալիզատորով և իր մեծությամբ Հայաստանում միակը «Euroclone» լամինար բոքսով, որի շնորհիվ բացառվում է փորձանմուշի կոնտամինացիան:

Լաբորատորիայում ախտորոշվում են.

• սեռավարակներ
• հեպատիտ C (որակական, քանակական, գենոտիպ)
• հեպատիտ B (որակական, քանակական)
• մարդու պապիլոմա վիրուս (HPV)
• ֆեմոցենոզ (12 սեռավարակ կանանց մոտ)
• անդրոցենոզ (12 սեռավարակ տղամարդկանց մոտ)
• թրոմբոֆիլիայի մուտացիաների որոշում
• ֆոլաթթվի փոխանակության խանգարման նախատրամադրվածություն

Մանրէաբանական լաբորատորիայում կատարվում են.

• կղանքի բակտերիոլոգիական հետազոտություն
• դիսբակտերիոզի (դիսբիոզի) քննություն
• մեզի բակտերիոլոգիական հետազոտություն
• քսուկների բակտերիոլոգիական հետազոտություն (քիթ, ականջ, կոկորդ, վերք և այլն)
• ուրոգենիտալ քսուկների և էակուլյատի բակտերիոլոգիական հետազոտություն
• ուրեապլազմա և միկոլպազմայի քանակական որոշում և հակաբիոտիկների զգայունության որոշում
• Իերսինիայի որոշում կղանքում, մեզի և արյան մեջ
• կլոստրիդիում դիֆիկալեի և դրա տոքսինների որոշում

Վերը նշված և մի շարք այլ հետազոտություններ անցկացվում են բարձրակարգ մասնագետների կողմից՝ միջազգային նորմերին համապատասխան: Հետազոտության բարձր որակը և հավաստիությունը ապահովում են ֆրանսիական «Biomeria» և իտալական «Liofilcem» ընկերությունների նյութերը:

Բոլոր հետազոտություններն, անհրաժեշտության դեպքում, ներառում են հակաբիոտիկների զգայունության որոշում: